This is another poem I wrote on behalf of my son...

 Mera School

 
Didi aur main padhte jismein,
Vo toh best school hai,
Saari duniya jaanti hai,
Heritage sabse cool  hai.

Main toh chhota baccha hoon,
Main jab pahle aaya tha,
Mera school kaisa hoga,
Sochkar ghabraya tha.

Dost mile par itne achhe,
Meena didi pyaari sabse,
Guard uncles raksha karte.
Sab bacchon se pyaar karte.

Principal mam maa ke jaisi,
Har bacche ki baat samajhti,
Mere pahle school ke din vo,
Mere sangh der tak kheli.

Divya aur Promila madam,
Teacher do hamari hain,
Colouring, yoga, rhymes sikhati,
Sab bacchon ko pyaari hain.

Bacche jab shararat karte,
Kabhi class mein bhi rote,
Mam pyaar se tab samjhati,
Kabhi kahaani koi sunati.

Saath hamare khelti hain,
Gyaan se aankein kholti hain,
Meri teachers kaisi hain ?
Vidhya Devi jaisi hain.

Mushkil se ye maana hai,
Promila mam ko jaana hai,
Yaad bahut unki aayegi,
Kabhi nahin dil se jaayegi.

Ab aayin hain Renu madam,
Khush hain saare bacche hum.
Aadar, pyaar hamara teachers
Nahin kabhi bhi hoga kum.

 Heritage ke bacche saare
Roshan iska naam kareinge,
Saara bharat naaz karega,
Aise kaam mahaan kareinge.

******************************